Аляксандр Малчанаў ізноў на волі

• 9.11.2011, 15:19

Аляксандр Малчанаў ўвечары 8 лістапада быў вызвалены з ізалятару часовага ўтрымання ў Барысаве.

Былога палітвязня арыштавалі спачатку на 10 сутак нібыта за непадпарадкаваньне супрацоўнікам міліцыі, а пасля яшчэ на трое па падазрэнні ў здзяйсненні крымінальнага злачынства.

Свой арышт Малчанаў абскарджвае ў Менскім абласным судзе. На 18 лістапада прызначаны разгляд касацыйнай скаргі.

Ён па-ранейшаму застаецца ў статусе падазраванага па крымінальнай справе аб злачынстве згодна з артыкулам 370 Крымінальнага кодэкса «Абраза дзяржаўных сімвалаў», аднак цалкам адмаўляе сваю віну, паведамляе ПЦ «Вясна».