З Акрэсціна выйшаў журналіст Барыс Гарэцкі

• 1.02.2011, 11:18

Учора каля 20:15 з ізалятара часовага ўтрымання на вул. Акрэсціна выйшаў на волю журналіст "Радыё Рацыя" Барыс Гарэцкі.

Яго сустракалі сваякі, сябры і калегі. Пра гэта паведамляе прэс-служба БАЖ.

Барыс правёў за кратамі 14 сутак па абвінавачанні ва ўдзеле ў несанкцыянаванай акцыі 19 снежня. Аднак затрымалі яго амаль праз месяц пасьля тых падзей - калі карэспандэнт браў інтэрв'ю ў сваякоў палітвязняў каля будынка КДБ.