Фядуту стала дрэнна падчас допыту

• 12.03.2011, 17:44

11 сакавіка палітолага Аляксандра Фядуту, які ўтрымліваецца ў турме КДБ, выклікалі на допыт.

Допыт перапыніўся з-за стану здароўя зняволенага. Учора ўвечары жонка вязня Марына Фядута патлумачыла «Радыё Свабода», што здарылася.

«Падчас допыту яму паведамілі, што Святлана Навумава памерла, і яму стала дрэнна. Таму спынілі допыт і перанеслі на 12 сакавіка. Можа быць, у суботу дапытаюць зноў», - распавяла жонка палітолага.

Нагадаем, што Святлана Навумава, адна з лідэраў кампаніі «Гавары праўду», памерла з-за хваробы нырак некалькі дзён таму.