Марцалеў, Статкевіч і Лябедзька - 2,5 месяцы без адваката

• 12.03.2011, 23:21

Пра лёс палітвязняў да гэтага часу нічога невядома.

З 29 снежня кандыдат у прэзідэнты Мікалай Статкевіч, ягоная давераная асоба Сяргей Марцалеў і старшыня Аб'яднанай грамадзянскай партыі Анатоль Лябедзька не могуць сустрэцца з адвакатам.

Ад Сяргея Марцалева ягоныя родныя за гэты час атрымалі ўсяго 2 лісты, у якіх цэнзура СІЗА КДБ не дазволіла апазіцыянеру паведаміць, у якіх умовах на самой справе цяпер знаходзіцца палітвязень. Даўно не было лістоў і ад Анатоля Лябедзькі і Мікалая Статкевіча.