Акцыі салідарнасьці ў Полацку і ​​Наваполацку (Фота)

• 16.03.2011, 19:50

Актывісты нядаўна створанага грамадскага аб'яднання «Свабодны рэгіён» распаўсюдзілі ў Полацку і ​​Наваполацку ўлёткі з партрэтамі палітвязняў.

Распаўсюджваліся таксама інфармацыйныя бюлетэні пра лёсы людзей, зняволеных пасля менскіх падзеяў 19 снежня.

Інфармацыйныя бюлетэні і ўлёткі з партрэтамі Ірыны Халіп, Андрэя Саннікава, Аляксандра Атрошчанкава, Наталлі Радзінай і іншых палітвязняў з'явіліся на інфармацыйных тумбах, прыпынках грамадскага транспарту, на дошках абвестак, а таксама ў паштовых скрынях палачан і навапалачан.

Стваральнікі аб'яднання «Свабодны рэгіён» Яўген Парчынскі і Віктар Калеснік працягваюць збор подпісаў за вызваленне палітвязняў, які праводзіўся ў Полацку і ​​Наваполацку ужо на працягу месяца.