Маці Кіркевіча дамагаецца зьмены меры стрыманьня для сына

• 2.03.2011, 10:02

Маці зьняволенага Алеся Кіркевіча дамагаецца зьмены меры стрыманьня для сына, які знаходзіцца ў турме КДБ.

Ларыса Кіркевіч, маці гарадзенскага лідэра Маладога фронту Алеся Кіркевіча пераконвае КДБ, што ў турме ў сына пачало балець сэрца, і гэта можа стаць прычынаю зьмяненьня меры ўтрыманьня пад вартаю.

Раней Алесь Кіркевіч у лісьце папрасіў даслаць яму лекі ад хваробы сэрца.

Адвакатка Алеся Кіркевіча падала паперы, неабходныя паперы для зьмены меры страманьня. Ларыса Кіркевіч раней перадавала сыну выпіскі з гісторыі хваробы, сама завозіла іх у СІЗА, аднак невядома, ці дайшлі дакуманты да Алеся. Цяпер у КДБ іх ізноў патрабуюць. Сьледчы казаў, што копіі мэдычных дакумантаў былі нібыта нечытэльнымі.

Пасьля прад'яўленьня Алесю Кіркевічу абвінавачваньня, якое адбылося 3 лютага, адвакатка не дамаглася ніводнай сустрэчы з сваім падабаронным.