У Тунісе асудзілі рэпрэсіі ў Беларусі

• 21.03.2011, 10:52

18 сакавіка на міжнароднай канферэнцыі «Пераход да дэмакратыі ў Тунісе» быў прыняты дакумент па сітуацыі ў Беларусі.

Пра гэта паведаміў віцэ-прэзідэнт Міжнароднай федэрацыі за правы чалавека (FIDH) Алесь Бяляцкі, які прыняў удзел у дадзеным форуме.

Тэкст дакумента прыводзіць ПЦ «Вясна»:

«Мы, удзельнікі Форума за Дэмакратыю ў Тунізіі, безумоўна асуджаем злачынствы, здзейсненыя антыканстытуцыйным рэжымам Аляксандра Лукашэнкі і ў прыватнасці масавыя і суровыя рэпрэсіі, што рушылі за прэзідэнцкімі выбарамі 19 снежня 2010 года. Арыштаў і жесокому абыходжанню падвергнуліся сотні беларускіх грамадзян.

Мы выказваем нашую салідарнасць з народам і грамадзянскай супольнасцю Беларусі і іхняй барацьбой за дэмакратыю і выкананне правоў чалавека.

Мы патрабуем неадкладнага і безумоўнага вызвалення ўсіх палітычных зняволеных у Беларусі, гарантыі незалежнасці правасуддзя і прэсы, а таксама зменаў заканадаўства, якое прадугледжвае крымінальны пераслед праваабаронцаў.

Наш народ напрацягу 23 гадоў змагаўся супраць свавольства і беззаконня, і мы ўпэўненыя, што і вашыя намаганні прынясуць свой плён.

Туніс, 18 сакавіка 2010».