Зміцер Ус: Мяне абяцалі зрабіць «сьведкам», калі я звінавачу Статкевіча (Відэа)

• 21.03.2011, 12:29

У панядзелак, 21 сакавіка, кандыдат у прэзідэнты Зміцер Ус пачынае знаёміцца ​​з матэрыяламі справы.

Цяпер ён знаходзіцца ў статусе абвінавачанага ў арганізацыі масавых беспарадкаў 19 снежня ў Менску.

Але, як распавёў Ус тэлеканалу Белсат, асноўныя доказы следства - гэта толькі здымкі на Кастрычніцкай плошчы і тэлефанаванне Мікалаю Статкевічу за 2 гадзіны да пачатку акцыі. «Прыйшоў мой сын дадому з крамы і кажа: «Тата, там стаяць за рэзідэнцыяй прэзідэнта два ці тры аўтобусы АМАПа, і недзе яшчэ столькі ж. Я патэлефанаваў Статкевічу і сказаў аб гэтым. І мне цяпер інкрымінуюць, што мы былі ў змове з ім».

Пасля выступлення на Кастрычніцкай плошчы Зміцер Ус ішоў па праспекце разам з іншымі кандыдатамі ў прэзідэнты. А сышоў з плошчы Незалежнасці яшчэ да таго, як правакатары пачалі біць шкло ў Доме ўрада. «Што там было, я не бачыў і не ведаў аб гэтым».

Пры гэтым Ус адзначыў, што следчы прапаноўваў зрабіць яго сведкам па справе пры ўмове, што ён абвінаваціць у арганізацыі беспарадкаў Мікалая Статкевіча. «Я сказаў, што нічога па гэтым пытанні не ведаю і вінаваціць чалавека незаконна ня буду», - падкрэсліў Зміцер Ус.

Нагадаем, што першапачаткова экс-кандыдат у прэзідэнты Зміцер Ус праходзіў па справе аб «масавых беспарадках» як падазраваны.