Праезд у прыгарадных цягніках падаражэў на 14%

• 21.03.2011, 17:08

У Беларусі на 14% падвышаны тарыф на перавозкі пасажыраў прыгараднымі цягнікамі.

Адпаведнае рашэнне зацверджанае пастановай Міністэрства эканомікі № 28 ад 11 сакавіка 2011 года.

У прыватнасці зонны тарыф усталяваны ў памеры 500 рублёў (раней 440 рублёў), тарыф за 1 кіламетр - 50 рублёў (раней 44 рублі).

Пастанова ўступае ў сілу праз 10 дзён пасля яе афіцыйнага апублікавання.