У новым спісе ЕЗ - чыноўнікі МУС, Мінюста, суддзі і пракуроры (Спіс)

• 22.03.2011, 11:11

На сайце Афіцыйнага часопіса ЕЗ апублікаваныя імёны яшчэ 19 беларускіх чыноўнікаў, якім забаронены ўезд у Еўропу.

Спіс са 156 чалавек дапоўнены прозвішчамі ў асноўным суддзяў і пракурораў, якія ўдзельнічалі ў судовых працэсах над удзельнікамі акцыі пратэсту 19 снежня, а таксама рэктараў беларускіх ВНУ, адказных за выключэння студэнтаў па палітычных матывах. Такім чынам, на дадзены момант спіс неўяздных беларускіх чыноўнікаў налічвае 175 прозвішчаў, паведамляе БелаПАН.

У дадатковы спіс уключаныя:

Гайдукевіч Валер Уладзіміравіч - камандуючы ўнутранымі войскамі, намеснік міністра ўнутраных спраў;

Гурэеў Сяргей Віктаравіч - намеснік міністра ўнутраных спраў, начальнік папярэдняга расследавання МУС;

Качанаў Уладзімір Уладзіміравіч - саветнік міністра юстыцыі;

Бадак Ала Мікалаеўна - намеснік міністра юстыцыі;

Сіманаў Аляксандр Анатольевіч - намеснік міністра юстыцыі;

Тушынскі Ігар Геранінавіч - намеснік міністра юстыцыі;

Скурат Віктар - начальнік Менскага гарадскога ўпраўлення дэпартамента аховы МУС;

Іваноў Сяргей - намеснік начальніка аддзела камплектавання ўпраўлення ідэалагічнай работай і кадравага забеспячэння ГУУС Менгарвыканкама;

Кадзін Раман - камандзір роты баявога і тэхнічнага забеспячэння Палка міліцыі спецыяльнага прызначэння ГУУС Менгарвыканкама;

Комар Вольга - суддзя суда Фрунзенскага раёна Менска (справа Васіля Парфянкова);

Загароўскі Антон - пракурор суда Фрунзенскага раёна (справа Васіля Парфянкова);

Чаркас Тацяна Станіславаўна - суддзя суда Фрунзенскага раёна Менска (справы Аляксандра Атрошчанкава, Аляксандра Малчанава і Зміцера Новіка);

Маладцова Тацяна - пракурор суда Фрунзенскага раёна Менска (справы Аляксандра Атрошчанкава, Аляксандра Малчанава і Зміцера Новіка);

Лябедзік Міхаіл Пятровіч - першы намеснік галоўнага рэдактара газеты «Советская Белоруссия»;

Падгайскі Генадзь Данатавіч - дырэктар Менскага дзяржаўнага політэхнічнага каледжа;

Кухарчык Пётр Дзмітрыевіч - рэктар Беларускага дзяржаўнага педагагічнага універсітэта;

Батура Міхаіл Паўлавіч - рэктар Беларускага дзяржаўнага універсітэта інфарматыкі і радыёэлектронікі;

Часноўскі Мечыслаў Эдвардавіч - рэктар Брэсцкага дзяржаўнага універсітэта імя Пушкіна;

Алпеева Тамара Міхайлаўна - рэктар Міжнароднага гуманітарна-эканамічнага інстытута.