Офіс АБСЕ ў Менску высяляецца (Фота)

• 29.03.2011, 15:29

Офіс АБСЕ ў Менску спыняе сваю працу. 29 сакавіка з будынка выносілі мэблю і іншыя рэчы, здымалі шыльды.

31 снежня прадстаўнік Беларусі пры міжнародных арганізацыях у Вене Аляксандр Сычоў праінфармаваў удзельнікаў Сталай рады АБСЕ аб рашэнні Беларусі закрыць офіс АБСЕ ў Менску, нагадвае «Радыё Свабода».

Свае дзеянні беларускі бок матываваў «адсутнасцю аб'ектыўных падставаў для захавання місіі АБСЕ ў Беларусі».

Аналітыкі звязваюць гэта з тым, што назіральнікі ад АБСЕ прызналі прэзідэнцкія выбары 2010 года ў Беларусі не адпавядаючымі стандартам арганізацыі.