Raiffeisen: 10% калідор Нацбанка - нізкаэфектыўная паўмера

• 30.03.2011, 12:34

Усё роўна трэба праводзіць дэвальвацыю, упэўненыя эксперты аўстрыйскага банка.

Прадпрынятая Нацбанкам РБ мера па пашырэнні валютнага калідора на пазабіржавым рынку з 2% да 10% хоць і з'яўляецца крокам у правільным кірунку, аднак ніяк не паляпшае сітуацыю з дэфіцытам валютнай ліквіднасці ў краіне. Такое меркаванне адлюстраванае ў аналітычнай запісцы экспертаў аўстрыйскага банка Raiffeisen.

«Мы расцэньваем павелічэнне гнуткасці абменнага курсу як крок у правільным кірунку...», - цытуе АФН запіску.

«У той жа час мера здаецца палавіністай і нізкаэфектыўнай», - адзначаюць эксперты банка.

Паколькі банкі прапаноўваюць да продажу на пазабіржавым рынку толькі валютную выручку сваіх кліентаў, а не свае валютныя актывы, а курс пазабіржавым рынку ўжо даўно пераадолеў усталяваную Нацбанкам столь, то дадзеная мера, перакананыя эксперты Raiffeisen, не зможа ажывіць пазабіржавы рынак.

«Такім чынам, рашэнне аб 10% калідоры на найбольш неліквідным сегменце валютнага рынку хутчэй прынятае для захавання твару НБ РБ, не жадаючага ўступаць у поўную канфрантацыю з насельніцтвам у выглядзе дэвальвацыі», - падкрэсліваецца ў запісцы.

На думку экспертаў, у чаканні далейшага паслаблення рубля, прадпрыемствы аддадуць перавагу назапашванню сваіх валютных актываў, чым прадаваць іх па заніжаным курсе.

Raiffeisen не выключае, што ў бліжэйшы час Нацбанк распачне чарговыя меры па скарачэнні дэфіцыту валютнай ліквіднасці, уключаючы далейшае падвышэнне гнуткасці абменнага курсу - дэвальвацыю.

«Бягучыя цяжкасці на валютным рынку ў выніку неспрыяльна паўздзейнічаюць на рэальны сектар эканомікі, банкі і спажыўцоў, і прывядуць да запаволення тэмпаў эканамічнага росту», - рэзюмуюць эксперты банка.