Беларускае тэлебачанне пампуе фільмы з торэнтаў (Відэа)

• 4.03.2011, 10:57

"Релиз подготовлен специально для interfilm.ru", - гучыць на БТ.

На фоне фальшывых выбараў, арыштаў кандыдатаў у прэзідэнты, самалётаў са зброяй і пагроз кінуць войска супраць народа, крадзёж БТ галівудскіх фільмаў не здаецца чымсьці нерэальным.

Мяркуючы, мабыць, што горш чым цяпер ужо не будзе, кіраўніцтва БТ вырашыла развесці эфір "Першага нацыянальнага" дыхтоўным скрадзеным амерыканскім кіно.

У нядзельным вечаровым эфіры 27 лютага перад трансляцыяй цырымоніі ўручэння прэміі "Оскар" 2011 года беларусы змаглі паглядзець па беларускім тэлебачаннм фільм-трыумфатар мінулага года "Уладар буры".

"У самы разгар гэтага ўсяго дзейства цішыню парушае раптоўны раздзіраючы душу на скрываўленыя кавалкі мяса ололо тралала прыемны цёплы жаночы голас... Вы не паверыце, з якімі словамі... Так-так, з імі самымі, вось менавіта з гэтымі вось: "Релиз подготовлен специально для interfilm.ru"...", дзеліцца сваімі ўражаннямі ад прагляду фільма блогер koffboy.