Справа Ірыны Халіп накіраваная ў суд

• 13.04.2011, 12:30

У бліжэйшы час вядомая журналістка і жонка кандыдата ў прэзідэнты Андрэя Саннікава паўстане перад судом.

Справа жонкі кандыдата ў прэзідэнты Беларусі Андрэя Саннікава Ірыны Халіп пракуратурай Менска накіраваная ў Менгарсуд для вызначэння тэрытарыяльнай падсуднасці, паведамілі агенцтву «Інтэрфакс-Захад» у пракуратуры Менска.

Незразумела чаму, але таксама па гэтай справе праходзіць Павел Севярынец, давераная асоба экс-кандыдата ў прэзідэнты Віталя Рымашэўскага, і кіраўнік выбарчага штаба Мікалая Статкевіча Сяргей Марцалеў.

«Ім прад'яўленае абвінавачванне па ч. 1 арт. 342 КК Беларусі», - удакладнілі ў пракуратуры Менска.

Мера стрымання пакінутая ранейшая: для Паўла Севярынца і Сяргея Марцалева - зняволенне пад вартай, для Ірыны Халіп - хатні арышт.