Пётр Пракаповіч кіруе Нацбанкам па тэлефоне

• 14.04.2011, 17:34

Кіраўнік Нацбанка Пётр Пятровіч Пракаповіч у цяперашні час знаходзіцца на бальнічным, але працягвае ажыццяўляць кіраўніцтва сваім ведамствам па тэлефоне.

Аб гэтым паведаміў агенцтву "Інтэрфакс-Захад" начальнік упраўлення інфармацыі - прэс-сакратар НББ Анатоль Драздоў.

"Пётр Пятровіч зараз сапраўды на бальнічным. Аднак, ён папраўляецца і актыўна ўдзельнічае ў працэсе кіравання Нацыянальным банкам, размаўляючы па тэлефоне з прадстаўнікамі праўлення", - сказаў А. Драздоў.

"Па выздараўленні кіраўнік Нацыянальнага банка прыступіць да непасрэднага выканання сваіх абавязкаў", - дадаў ён.

А. Драздоў таксама праінфармаваў, што ў цяперашні час абавязкі кіраўніка НББ выконвае першы намеснік старшыні праўлення Мікалай Лузгін.

Нагадаем, Пётр Пракаповіч зараз знаходзіцца ў РНПЦ «Кардыялогія». Ён добра перанёс найскладанейшую аперацыю на сэрцы. Яму замянілі клапан.