Дзярждоўг Беларусі павялічыўся за студзень-сакавік на 10,7%

• 29.04.2011, 16:11

Дзяржаўны доўг Беларусі на 1 красавіка 2011 г склаў эквівалент Br42,426 трлн., павялічыўшыся на 10,7% з пачатку года, у тым ліку на 1,5% за сакавік.

Пра гэта сведчаць дадзеныя Белстата, паведамляе АФН.

Пры гэтым знешні дзярждоўг у рублёвым эквіваленце вырас на 11,8% за першы квартал, у тым ліку на 1,2% за сакавік да Br32,479 трлн. на 1 красавіка 2011 года. Аб'ём ўнутранага дзярждоўгу склаў Br9,947 трлн., павялічыўшыся на 7,3% за тры месяцы, у тым ліку на 2,5% за сакавік.

У структуры дзярждоўгу доўг цэнтральнага ўрада склаў Br34,019 трлн., павялічыўшыся на 11,4% за студзень-сакавік. Доўг суб'ектаў гаспадарання, гарантаваны ўрадам, склаў Br8, 408 трлн., павялічыўшыся на 7,7% з пачатку года, у тым ліку на 0,1% за сакавік.