У першай палове мая зноў падаражэе бензін?

• 1.05.2011, 17:45

Рознічныя кошты на бензін і дызпаліва могуць зноў вырасці ў маі на 5-7%.

Гэтая інфармацыя была атрыманая аргкамітэтам па стварэнні грамадскага аб'яднання «За Аўто» падчас сустрэчы з кіраўніком «Белнафтахіма» Ігарам Жыліным.

«Падчас гэтай размовы нам далі зразумець, што «Белнафтахім» мае намер і далей павышаць кошты на паліва, каб павысіць рэнтабельнасць прадпрыемстваў канцэрна», - распавёў у інтэрв'ю Белсату Арцём Шаркоў, лідэр «За Аўто».

Па неафіцыйнай інфармацыі, рост коштаў можа адбыцца ў першай палове мая.