Па трое ўжо не збірацца?

• 12.05.2011, 9:28

Актывісты «Еўрапейскай Беларусі» Віктар Калеснік, Яўген Парчынскі і Ілля Багданаў сустрэліся ў Наваполацку ля газетнага кіёска па вуліцы Маладзёжнай і былі затрыманыя.

Праз некалькі хвілін да актывістаў падышоў міліцэйскі патруль, і ўсіх траіх адвезлі ў пастарунак, паведамляе «Радыё Свабода».

Затрыманне адбылося каля 19 гадзін вечара. Па словах Віктара Калесніка, як раз у другой палове дня ў Наваполацку з'явілася мноства ўлётак з партрэтамі палітвязняў.

У гарадскім аддзяленні міліцыі ў актывістаў ўзялі пісьмовыя тлумачэнні з нагоды таго, чым яны займаліся апошнія некалькі гадзін. Іллю Багданава і Яўгена Парчынскага адпусцілі дадому праз тры гадзіны. Віктара Калесніка ў аддзяленні трымалі каля чатырох гадзін.

Як паведаміў Яўген Парчынскі, пратаколаў аб якіх-небудзь правапарушэннях ні на аднаго з актывістаў так і не склалі.