«Хапун» працягваецца: Максіма Вінярскага арыштавалі на 15 сутак

• 20.05.2011, 18:30

Суддзя суда Фрунзенскага раёна Менска Людміла Лапо прысудзіла каардынатара «Еўрапейскай Беларусі» да 15 сутак арышту.

Як паведамляе сайт «Еўрапейская Беларусь», падставай для прысуду паслужылі пратаколы, складзеныя па ст.17.1 КаАП РБ (дробнае хуліганства) і арт. 23.4 КаАП РБ (непадпарадкаваньне законнаму патрабаванню супрацоўніка міліцыі).

Вядома, што Максім Вінярскі быў затрыманы напярэдадні ноччу ў Менску. Актывіст проста ішоў па вуліцы, калі яго схапілі міліцыянты. На днях падобным чынам быў затрыманы і арыштаваны на 15 сутак намеснік старшыні «Маладога Фронту» Мікола Дземідзенка.