На памежным пераходзе Баброўнікі дзяжурыць АМАП

• 13.06.2011, 11:07

Пра гэта распавёў жыхар Зэльвы Аляксандр, які ехаў у Польшчу.

За мяжу яго не пусцілі, бо не прайшло пяці дзён з даты апошняй паездкі, перадае «Еўрарадыё». Нагадаем, што менавіта гэтае новаўвядзенне пры перасячэнні мяжы Мытнага саюза было прынятае з 12 чэрвеня. І щвечары щ нядзелю па гэтай нагодзе адбылася несанкцыянаваная акцыя ў Брузгах.

Па словах Аляксандра, чэргі аўтамабіляў з беларускага боку на Бабраўніках няма наогул.

У той жа час затрыманых у Брузгах будуць сёння судзіць у Гродзенскім раённым судзе. Колькасць іх пакуль невядомая.

Усе затрыманыя падчас акцыі пратэсту 12 чэрвеня на пункце пропуску Брузгі пакуль знаходзяцца ў ізалятары часовага ўтрымання.

Гродзенскі раённы суд, дзе будуць разглядацца справы, размяшчаецца па адрасе: вул. Даватара, 2/1.