Рыс, проса, гарбата і кава ў маі падаражэлі ў 1,5 разы

• 17.06.2011, 15:20

У Беларусі сярод харчовых тавараў у маі найбольш значна падаражэлі рыс, крупы прасяныя, гарбата, кава - у 1,5 разы ў параўнанні з красавіком.

Кошты на мяса птушкі, цукар, рыбу марожаную, селядзец салёны, кансервы рыбныя, крупы пярловыя, крупы аўсяныя павялічыліся на 29-39%, макаронныя вырабы - на 26,9%, крупы грэцкія, маянэз, кандытарскія вырабы, ялавічыну першай катэгорыі - на 13-19%, паведамляе Белстат.

Паўфабрыкаты мясныя з ялавічыны, свініна, напоі безалкагольныя, гарэлка, алей, рыба, кансервы агароднінныя падаражэлі на 8-10%, піва, маргарын, хлеб і хлебабулачныя вырабы, сыры - на 2,5-5,7%, малако і малочныя прадукты - на 1,5%.

Кошты на капусту свежую белакачанную выраслі ў 1,5 разы, часнык - на 39,7%, буракі - на 39,4%, цыбулю рэпчатую - на 27,4%, моркву - на 26,7%, перац салодкі - на 13 , 5%, бульба - на 1,2%. Памідоры свежыя патаннелі на 2,8%, лук зялёны - на 22,1%, агуркі свежыя - на 24,3%. Яблыкі падаражэлі ў 1,8 разы, бананы, плады цытрусавыя - у 1,5 разы.