Крэмль не лічыць патрэбным каментаваць БТ

• 27.06.2011, 13:19

Крэмль не стане каментаваць крытычныя выказванні беларускага тэлебачання ў адрас кіраўніцтва РФ.

Пра гэта заявіла 27 чэрвеня прэс-сакратарка прэзідэнта РФ Наталля Цімакова.

26 чэрвеня першы канал дзяржаўнага тэлебачання Беларусі падвергнуў рэзкай крытыцы дзеянні расейскага кіраўніцтва, якое, на думку беларускіх прапагандыстаў, свядома дэзінфармуе насельніцтва і выношвае планы прысваення беларускіх актываў, паведамляе ІА «Рэгнум».