Электронны беларускі рубель знізіўся да 6500

• 31.07.2011, 14:48

Курс абмену электроннага беларускага рубля ў сістэме WebMoney апусціўся да 6500-6585 за 1 электронны даляр.

Такія каціроўкі абмену тытульнымі знакамі - эквівалентамі беларускага рубля і даляра ЗША - ўсталяваліся на біржы exchanger.ru.

За 1 даляр (WMZ) можна купіць 6500 беларускіх рублёў (WMB), а прадаць WMB можна па курсе 1 WMZ - 6585 WMB. У сярэднім электронны курс адрозніваецца ад курсу Нацбанка на 32%.

Аб'ём прапановы як на куплю, так і на продаж шматкроць перавышае звычайныя значэнні ставак, што сведчыць аб стабільнай рынкавай раўнавазе.

На электроннай біржы WebMoney тытульнымі знакамі вольна абменьваюцца прыватныя асобы і раўнаважны курс адлюстроўвае псіхалагічныя чаканні ўдзельнікаў рынка.