Васілевіч: Каб пляскаць у ладкі, трэба прасіць санкцыю ў уладаў

• 6.07.2011, 14:45

Генпракурор Беларусі працягвае шакаваць свет сваімі заявамі.

Генеральны пракурор Беларусі Рыгор Васілевіч заявіў, што супрацоўнікі праваахоўных органаў, забяспечваючы грамадскі парадак, павінныя карэктна ставіцца да ўдзельнікаў супрацьпраўных дзеянняў, па магчымасці прадстаўляцца і растлумачваць грамадзянам наступствы невыканання заканадаўства.

«Супрацоўнікі праваахоўных органаў, прымаючы меры па забеспячэнню грамадскага парадку, самі таксама абавязаныя няўхільна выконваць дзеючае заканадаўства, у тым ліку ведамасныя акты, быць максімальна карэктнымі. Папярэдне, калі дазваляе сітуацыя, трэба прадстаўляцца і патрабаваць ад грамадзянаў спынення супрацьпраўных дзеянняў, растлумачваць заканадаўства і наступствы яго невыканання», - адзначыў генпракурор ў заяве, размешчаным на сайце Генеральнай пракуратуры з нагоды збору грамадзянаў на вуліцах і ў іншых грамадскіх месцах.

Васілевічу хацелася б, каб «грамадзяне выкарыстоўвалі законныя спосабы вырашэння праблемаў, а арганізатары разумелі, што яны таксама нясуць адказнасць за свае правакацыйныя дзеянні».

«Мяркую, што пытанні эканамічнага характару могуць вырашацца не на разбуральнай, а на канструктыўнай падставе. Усе разумныя ідэі, рэалізацыя якіх прагназуемая, пажадана ўспрымаць пазітыўна», - сказаў Генеральны пракурор.

Па ягоных словах, закон «Аб масавых мерапрыемствах» вызначае парадак арганізацыі і правядзення вулічных шэсцяў і іншых масавых мерапрыемстваў. Р. Васілевіч адзначыў, што «заяўны характар ​​правядзення падобных мерапрыемстваў ўласцівы шэрагу сучасных дзяржаваў». У прыватнасці, працягнуў генпракурор, «флэш-мобу, як загадзя спланаванай масавай акцыі, дзе ўдзельнікі выконваюць загадзя абумоўленыя дзеянні, нават у краінах з даўнімі дэмакратычнымі традыцыямі звычайна супрацьдзейнічае паліцыя, выкарыстоўваючы і сілавыя метады». «Так было пры правядзенні першых флэш-мобаў у Нью-Ёрку ў чэрвені 2003 года, у сучасны перыяд у Расеі (Масква - чэрвень 2011 г., Краснадар - май 2011 г.), ва Украіне (Львоў - люты 2011 г.), Казахстане (Алматы - красавік 2011 года)», - сказаў Р. Васілевіч.

Ён падкрэсліў, што «парушэнне заканадаўства аб масавых мерапрыемствах ва ўсіх краінах цягне юрыдычную адказнасць, напрыклад, адміністрацыйную, у тым ліку ў Беларусі».

«Тое, што арганізуюцца несанкцыянаваныя масавыя мерапрыемствы, пацвярджаецца размяшчэннем праз Інтэрнэт рознага кшталту « планаў» іх правядзення і прытрымліванне гэтых планаў іхнімі удзельнікамі», - заявіў Генеральны пракурор Беларусі.