У Менску затрымалі здымачную групу НТВ

• 6.07.2011, 20:51

Міліцыя затрымлівала карэспандэнта Георгія Грывеннага, аператара Канстанціна Марозава і гукарэжысёра Дзмітрыя Давыдзенку.

Быў затрыманы таксама прадзюсер карпункту НТВ у Менску Павел Антонаў.

Журналісты прыехалі да Лядовага палацу ў Менску здымаць акцыю пратэсту. Пасля затрымання іх забралі туды ж - у палац.

«У палац спорту, дзе мы знаходзіліся пасля затрымання, прыйшоў чалавек у цывільным і сказаў, што журналісты - свабодныя», - распавёў РІА «Новости» Антонаў.

У сераду ў Менску былі затрыманыя дзясяткі журналістаў, якія асвятлялі акцыю пратэсту, у асноўным фотакарэспандэнты і відэааператары.