Беларускі рубель ляціць у бездань: 7500 за даляр

• 12.08.2011, 15:34

Курс наяўнага беларускага рубля ў адносінах да даляра на чорным рынку узяў чарговую псіхалагічную мяжу.

На інтэрнэт-біржы Webmoney эквівалент беларускага рубля гандлююць у дыяпазоне 7513-7625 беларускіх рублёў за даляр. На інтэрнэт-біржы купляюць і прадаюць эквіваленты валют прыватныя асобы і каціроўкі максімальна набліжаныя да курсаў валют на наяўным чорным рынку Беларусі.

Аналагічны курс склаўся на сайце беларускіх валютчыкаў prokopovi.ch - 7273-7575 рублёў за даляр.

Па 7500 лічаць сёння долар прадаўцы на рынках Менска.

Нагадаем, афіцыйны курс даляра ЗША на таргах Беларускай валютна-фондавай біржы 12 жніўня вырас на 8 рублёў і склаў 5.028 рублёў.