Зміцер Дашкевіч: Мне дазволілі пісаць, што ў мяне ўсё добра

• 18.08.2011, 18:12

Пасля двух месяцаў штрафнога ізалятара (ШІЗА) палітвязня перавялі ў памяшканне камернага тыпу (ПКТ).

Туды яго перавялі 10 жніўня. У ПКТ Дашкевіч прабудзе месяц. У сваім першым лісце да нявесты Анастасіі Палажанка палітвязень напісаў: «Мне дазволілі пісаць, што ў мяне ўсё добра! Пішу: у мяне ўсё добра!:)»

Як адзначае сайт «Маладога фронту», Дашкевіча пазбавілі магчымасці нармальна харчавацца: яму забаранілі перадачы і абмежавалі магчымасць што-небудзь набываць у мясцовай краме, дазволіўшы выдаткаваць толькі 35 тысяч рублёў да заканчэння ўсяго тэрміну.

Дашкевіч ведае аб памілаванні дзевяцярых палітвязняў. Аднак да яго ніхто не звяртаўся ні з якімі прашэннямі аб памілаванні.