Новы амбасадар Украіны ў Беларусі прыбыў у Менск

• 26.08.2011, 17:42

Прызначаны прэзідэнтам Украіны Віктарам Януковічам новы амбасадар у Беларусі Віктар Ціханаў прыбыў у Менск.

«Сёння Надзвычайны і Паўнамоцны амбасадар Украіны ў Рэспубліцы Беларусь Віктар Ціханаў ўручыў копіі даверчых грамат міністру замежных справаў Сяргею Мартынаву», - паведамілі агенцтву «Інтэрфакс-Захад» у амбасадзе Украіны.

Ва ўкраінскай дыпмісіі адзначылі, што «бакі абмеркавалі актуальныя пытанні ўкраінска-беларускіх адносінаў, планы палітычных кантактаў на бліжэйшы час, стан і перспектыву супрацоўніцтва ў гандлёва-эканамічнай сферы».

Ранейшы амбасадар Украіны Раман Бяссмертны быў адкліканы з Менска пасля вострай крытыкі на адрас беларускага рэжыму.