Пакупнікоў валюты занясуць у базу

• 30.08.2011, 14:46

Аляксандр Лукашэнка даручыў з кастрычніка ўвесці механізм продажу валюты насельніцтву па прад'яўленні пашпарта.

«Даручаю Нацбанку не пазней за кастрычнік увесці электронную базу уліку набыцця валюты. Па пашпарце, так як гэта робяць у свеце», - заявіў А. Лукашэнка ў аўторак на нарадзе па сацыяльна-эканамічных пытаннях.

Дыктатар заявіў, што «ў насельніцтва на сённяшні дзень на руках, па адзнацы Нацбанка, знаходзіцца больш за 7 млрд. даляраў. У гэтай сувязі даручаю Нацбанку стварыць такія эканамічныя ўмовы, каб людзі прыносілі грошы ў фінансавую сістэму. Я нават гатовы разгледзець меры па амністыі капіталу», - заявіў Лукашэнка.

Ён таксама лічыць магчымым забеспячэнне перакладу насельніцтвам сваіх рублёвых укладаў у валютныя, але звяртае пры гэтым увагу на фінансавую нестабільнасць у свеце.

«Паглядзіце, што робіцца з далярам, еўра. Усе заклапочаныя, што рабіць з зялёнымі паперкамі, дырэктар МВФ заяўляе, што свет знаходзіцца ў сур'ёзнай эканамічнай сітуацыі », - сказаў А. Лукашэнка. «Глядзіце, каб вы не засталіся са сваімі далярамі і еўра ў кішэнях, пад падушкай, у банкаўскіх ячэйках, гаражах. Вы потым не крыўдуйце. Я вас папярэдзіў», - заявіў ён.