Тацяна Равяка: Вялікая доля праўды ў словах Халезіна ёсць

• 5.08.2011, 11:27

Невядома, дзе зараз знаходзіцца Алесь Бяляцкі.

Прынамсі, у турме на Акрэсціна яго няма. Таму калегі не змаглі перадаць яму прадукты і прадметы гігіены. Пра гэта ў прамым эфіры «Еўрарадыё» паведаміла праваабаронца Тацяна Равяка.

Каментуючы ўчорашнюю заяву кіраўніка Свабоднага тэатра Мікалая Халезіна наконт арышту Бяляцкага, праваабаронца адзначыла, што ў гэтай заяве ёсць вялікая доля праўды. Нагадаем, што Халезін абвінаваціў Літву ў спрыянні арышту беларускага праваабаронцы. Па ягоных словах, літоўскі бок выдаў беларускім уладам звесткі аб рахунках беларускіх грамадскіх арганізацый. Гэта нібыта і стала падставай для затрымання Бяляцкага.