Валютчыкаў меней не стала

• 16.09.2011, 17:44

Міліцыя штодня выяўляе некалькі фактаў нелегальных аперацый з валютай.

Аб гэтым заявіў сёння ў Полацку міністр унутраных справаў Куляшоў падчас прыёму грамадзянаў па асабістых пытаннях.

«Падпаддзяленні міністэрства ўнутраных справаў стала адсочваюць сітуацыю ў асяроддзі асоб, якія нелегальна займаюцца незаконнымі валютнымі аперацыямі, і прымаюць да парушальнікаў меры ў адпаведнасці з заканадаўствам», цытуе Куляшова БелТА.

Па ягоных словах, штодня супрацоўнікі міліцыі выяўляюць некалькі фактаў здзяйснення нелегальных аперацый з валютай і затрымліваюць валютчыкаў. Пры гэтым адбіраюцца значныя сумы грошай. як у беларускіх рублях, так і ў далярах і еўра.