Загадкавыя скульптуры на трасе Менск-Маладзечна

• 21.09.2011, 12:00

Напярэдадні візіту працаўнікоў вёскі ў горад Маладзечна з мэтай святкавання фестывалю-кірмашу «Дажынкі 2011» на ўсёй працягласці трасы Менск-Маладзечна ўзнікаюць адна за адной статуі з саломы, што дужа прыцягваюць увагу.

Скульптуры на тэму вёскі і збору ўраджаю выкананыя ў жанры сучаснай папулярнай народнай творчасці паскоранага вырабу. Стваральнікі прыдарожных скульптур не забыліся адысці ад традыцыйных тэм «Дажынак» і парадаваць уяўленне хлебаробаў, пацешнымі ў сваёй недарэчнасці статуямі, якія часам нагадваюць паганскіх ідалаў, паведамляе «Тэлеграф».