Алесь Бяляцкі пачаў знаёміцца ​​з матэрыяламі крымінальнай справы

• 26.09.2011, 13:10

Кіраўнік «Вясны», які ўжо амаль два месяцы знаходзіцца ў следчым ізалятары.

З 23 верасня ён пачаў знаёміцца ​​з матэрыяламі узбуджанай на яго справы па частцы 2 артыкула 243 Крымінальнага кодэкса - «утойванне прыбыткаў у асабліва буйным памеры», паведамляе ПЦ «Вясна».

- Фактычна можна казаць аб тым, што следства як стадыя працэсу па справе Алеся Бяляцкага скончанае, таму што ўжо з пятніцы ён разам са сваім адвакатам знаёмяцца з матэрыяламі справы, - кажа юрыст «Вясны» Уладзімір Лабковіч.

Па ягоных словах, цалкам верагодна, што ўжо ў другой палове кастрычніка можа пачацца суд над Алесем Бяляцкім.

- Мы, безумоўна, патрабуем ягонага неадкладнага вызвалення, лічым і следства, і будучы судовы працэс палітычна матываваным, - адзначае Уладзімір Лабковіч.

З набліжэннем судовага працэсу асаблівую заклапочанасць у праваабаронцаў выклікае вялікая верагоднасць таго, што суд над Алесем Бяляцкім будзе закрытым.