У Гродне даражэе грамадскі транспарт

• 7.09.2011, 13:23

У Гродне і вобласці павышаюцца тарыфы на праезд у гарадскім грамадскім транспарце.

Пра гэта паведамілі БелТА ў аддзеле транспарту і камунікацый Гродзенскага аблвыканкама.

Адпаведнае рашэнне аблвыканкама ўступіць у сілу 8 жніўня. Новы тарыф на гарадскія перавозкі пасажыраў і ручной паклажы ўсімі відамі транспарту агульнага карыстання на звычайных маршрутах у рэгулярных зносінах павялічыўся на Br50 і ўсталяваны ў памеры Br800 за адну паездку. Межавы максімальны тарыф на гарадскія перавозкі пасажыраў аўтобусамі з дазволенай максімальнай масай больш за 5 т на экспрэсных рэгулярных маршрутах у рэгулярных зносінах усталяваны ў памеры Br1200 за адну паездку, масай да 5 т (маршруткі) - Br1900 за паездку.

Пры продажы квіткоў кіроўцамі грамадскага транспарту на звычайных маршрутах агульнага карыстання ў рэгулярным паведамленні тарыф на адну паездку павялічваецца на Br50.

Праязны квіток на месяц на аўтобус ці тралейбус ў Гродне цяпер каштуе Br30800, на два віды транспарту - Br41100. У Лідзе кошт праязнога на месяц павялічаны да Br30000, у астатніх гарадах вобласці - да Br26200.

Як адзначылі ў аддзеле транспарту і камунікацый, павелічэнне тарыфаў выкліканае неабходнасцю знізіць страты перавозчыкаў, выкліканыя ростам выдаткаў на пасажырскія перавозкі.

Апошні раз тарыфы на перавозкі ў гарадскім грамадскім транспарце вобласці пераглядаліся ў жніўні бягучага года.