Суд можа ўсталяваць Някляеву дадатковыя абмежаванні

• 8.09.2011, 16:13

Кандыдат у прэзідэнты Уладзімір Някляеў атрымаў позву аб неабходнасці 9 верасня з'явіцца ў суд Ленінскага раёна Менска.

«У судовай позве сказана, што я павінен з'явіцца ў суд для «ўсталявання дадатковых абмежаванняў». Яны і так мяне абмежавалі ва ўсім, у чым маглі, але гэтага, аказваецца, мала. Не ведаю, чым і як яны збіраюцца абмежаваць мяне дадаткова, але калі гаворка ідзе аб вяртанні пад хатні арышт, то хай адразу з самага справядлівага суда вязуць у самую гуманную турму. На тое, каб у маім доме днём і ноччу гаспадарылі людзі са зброяй, каб пад вартай знаходзіўся не толькі я, але і мая жонка, я ніколі больш не пагаджуся», - сказаў Уладзімір Някляеў у каментары сайце кампаніі «Гавары праўду!», перадае БелаПАН.

«Я не прызнаў і не прызнаю сваю віну, я не зрабіў ніякага злачынства, мяне асудзілі незаконна - і гэта дае мне маральнае права адчуваць сябе свабодным чалавекам. У рэшце рэшт, я магу скарыстацца гэтым маральным правам для таго, што не выконваць «ўсталяваных абмежаванняў». Ніякіх, а не толькі дадатковых, - заявіў Някляеў. - Гэтая ўлада, ледзь не забіла мяне і з мяне жа зрабіла злачынца: ні за што судзіла, спрабавала дабіць ў турме, пазбавіла ліцэнзіі адваката, які мяней абараняў... Ніяк не атрымліваецца пасля ўсяго гэтага паказваць перад гэтай уладай законапаслухмянага грамадзяніна».