Баранавіцкія ўлады не дазволілі мітынг прадпрымальнікаў

• 13.01.2012, 11:11

Чыноўнікі сцвярджаюць, што заяўнік парушыў артыкула 2 і 5 Закона РБ аб масавых мерапрыемствах.

Дакументы для атрымання дазволу на правядзенне мітынгу падаваў актывіст Мікалай Чарнавус. Адказ, падпісаны намеснікам старшыні гарвыканкама Дзмітрыем Касцюкевічам, ён атрымаў учора, паведамляе «Еўрарадыё».

Нагадаем, што Мікалай Чарнавус з паплечнікамі хацеў правесці 19 студзеня мітынг, у якім планавалася ўдзел 600 прадпрымальнікаў. На 25 студзеня Чарнаву спланаваў пікет прадстаўнікоў украінскай дыяспары пад лозунгам «Улады супраць дружбы народаў».