Менскае метро падарвалі людзі ў цывільным?
- 17.01.2012, 10:30
У кадр відэазапісу агенцтва БелТА, зробленым адразу пасля выбуху ў менскім метро, патрапілі чатыры чалавекі ў цывільным.
Яны выносілі са станцыі метро «Кастрычніцкая» праз выхад у бок Дома афіцэраў ваенную падрыўную машынку КПМ-3У1, катушку сапёрнага кабеля і вялікую цяжкую сумку, піша сайт gonzo.by.
Узята з наступнага відэа (на 06:40)
А цяпер павялічана:
Чалавек, які бліжэй, нясе ў руках кандэнсатарныя падрыўную машынку КПМ-3У1 і катушку з дротам П 274. Вось яны ў арыгінале:
Хто ж гэтыя людзі ў цывільным? Насамрэч, не сапёры, таму што вось фота спецыялісты па размініраванні:
Двое з гэтых мужчын, якія выносілі сумкі, у паласатых футболках. І яны ж былі заўважаныя на фота ў метро, побач з быццам-бы-Канавалавым, які нясе сумку. Арыентавацца на паласатыя футболкі. На станцыі яны пазначаныя 1 і 2. Чалавек 1 таксама нясе нешта ў руках (3), як і на выхадзе з метро.
Адзін з пацярпелых у тэракце Самвэл Саакян раней заяўляў, што перад выбухам бачыў чатырох рабочых, якія рабілі рамонтныя працы. Як адзначыў адвакат Абразей, іхнія асобы не высветліліся і іх не апытвалі. Ён папрасіў суд накіраваць запыт кіраўніцтву менскага метрапалітэна, каб высветліць іхнія асобы і выклікаць у суд у якасці сведак. Суддзя Федарцоў адказаў, што хадайніцтва будзе разгледжанае на працягу трох дзён, але нічога не было зроблена.
Развал тэорыі аб закладання выбухоўкі ля калоны
На месцы выбуху вялізная варонка ў армаванай жалезабетоннай падлозе, лаўка знікла. Але побач - цэлыя трупы. Атрымліваецца, чалавечыя целы вытрымалі выбух, а армаваны жалезабетон - не? Гэта тлумачыцца наступным:
Паводле заключэння экспертаў, энергія выбуху пайшла ў асноўным у падлогу і ў столь.
Паводле паказанняў, сумку Канавалаў паставіў па левую руку ад лаўкі. У такім выпадку, пры выбуху аскепкі лаўкі павінныя былі паляцець да калоны ў бок тунэлю - доўгага пераходу паміж станцыямі. Але тады адкуль узяліся велізарныя дзіркі ў вагоне, перпендыкулярныя меркаванаму палёту аскепкаў? Таксама дзіўна выглядае амаль не пацярпелая калона ў левай частцы здымка, асабліва ў параўнанні з варонкай у падлозе.
Затое ўсё сыходзіцца пры падрыве знутры адной з тумбаў лаўкі
Ключавым момантам у расследаванні дадзенага тэракту з'яўляюцца пашкоджанні вагона. Па іх можна вызначыць не толькі, ці было начынне ў бомбе, але і вызначыць месца яе закладкі. Больш за тое, гэтыя пашкоджанні ўскосна паказваюць на выканаўцаў, а галоўнае, і на замоўцу гэтага жудаснага злачынства.
Справа ў тым, што на вагоне ёсць ўвагнутасць ад ударнай хвалі і прабітыя буйныя бясформенныя адтуліны розных памераў і формы, як мяркуецца, кавалкамі мармуру, крыніцай якіх магла быць толькі тумба ад лаўкі, але няма адтулін або ўвагнутасцяў ад металічных шарыкаў, аб якіх нам стала кажа ўлада. Больш за тое, лекары заявілі, што ў целах пацярпелых і загінулых не было знойдзена ніякіх цвікоў і металічных шарыкаў.
Усё гэта кажа аб тым, што закладалі зарад унутр пустой тумбы. Чаму пустой? Толькі такая тумба пры закладцы зарада ўнутр, магла раскалоцца на такое мноства дробных аскепкаў. Пры закладцы зарада ўнутр тумбы, аскепкі разляцяцца ва ўсе бакі, у тым ліку і ў бок вагона, істотна не прыслабіўшы ўдарную хвалю. Па канструкцыі гэта падобна да аскепкавай гранаты, толькі значна большых памераў і з абалонкай з мармуру. Больш за тое, менавіта эфект абалонкі і не ўлічылі выканаўцы, што і прывяло да такой колькасці ахвяр. Цвёрдая абалонка дазваляе больш поўна выкарыстоўваць энергію зарада. На карысць гэтай версіі кажуць так жа наступныя факты.
У падлозе варонка пасля выбуху адпавядае памерам тумбы, а галоўнае, яе ФОРМЕ. Следчыя ўсё ніяк не могуць вызначыць эпіцэнтр выбуху (пад лаўкай ці каля лаўкі), а гэта і не дзіўна, бо другую тумбу, якая пры выбуху павінная была застацца, і масіўныя дубовыя накладкі лаўкі, прыбралі да прыходу туды Лукашэнкі і яшчэ да таго, як прыбралі целы ўсіх загінулых.
А для таго, каб вызначыць сапраўднае месца эпіцэнтра выбуху было немагчыма, латку на месцы выбуху зрабілі значна большай, чым адтуліна пад ёй. Гэта ўсё нагадвае «замятанне слядоў». Магчыма, нехта проста хацеў папалохаць народ, а атрымалася трагедыя.
У дадатак вось яшчэ цытата з інтэрв'ю маці Кавалёва «Голасу Амерыкі», якая пацвярджае дадзеную версію:
- Мы нават не ведаем дакладна, што ж менавіта выбухнула. Яраслаў, якому выбухам адарвала ногі, не змог прысутнічаць у судзе, але ягоная маці зачытвала ягоныя паказанні. Там дакладна сказана: «Калі я сядаў на лаўку ў метро, ніякай сумкі там НЕ БЫЛО».
Таксама вы можаце прагледзець відэазапісы камер назірання з каментарамі. На іх добра бачны мантаж.
Цікава, што ж пасля гэтага будуць нам хлусіць афіцыйныя асобы?