Пенсіі за год зменшыліся амаль на 23%

• 18.01.2012, 11:12

Рэальны памер пенсій, разлічаных з улікам змянення індэкса спажывецкіх коштаў на тавары і паслугі, за год паменшыўся на 22,9%.

Такія дадзеныя апублікаваў Нацыянальны статыстычны камітэт.

Сярэдні памер пенсій па ўзросту ў 2011 годзе склаў 974 тысячы рублёў, па інваліднасці - 872 тысячы, а ў сувязі са стратай карміцеля - 634 тысячы рублёў. Сярэдняя сацыяльная пенсія ў Беларусі складала ў мінулым годзе 531 тысячу, паведамляе БелаПАН.

Усяго ў Беларусі на канец 2011 года пражывала 2 млн 487 тыс. пенсіянераў.