Мікалай Аўтуховіч: «Хутка надыдуць перамены да лепшага!»

• 19.01.2012, 14:20

Ад зняволенага Мікалая Аўтуховіча прыйшоў ліст ягонаму паплечніку з Ваўкавыска Аляксандру Сезеню.

У ім Аўтуховіч піша, што больш за ўсё яго прыгнятае абыякавасць большасці суайчыннікаў: аддаюць перавагу не высоўвацца і моўчкі трываць ганебнае становішча рэчаў, прыстасоўвацца пад несправядлівую сістэму, паведамляе ПЦ «Вясна».

У цэлым ліст вытрыманы ў аптымістычным тоне. Палітвязень выказвае ўпэўненасць, што па кроплі беларуская салідарнасць ўсё ж сфарміруецца і хутка надыйдуць перамены да лепшага.