Белстат: Кошты прадуктаў за год выраслі на 125%
- 24.01.2012, 11:27
Кошты харчовых тавараў у Беларусі ў 2011 годзе па адносінах да снежня 2010 года выраслі на 125%, паведамілі ў Нацыянальным статыстычным камітэце.
У снежні 2011 года ў параўнанні з лістападам 2011 года кошты прадуктаў харчавання павялічыліся на 1,9%. Змяненне коштаў прадуктаў харчавання ў снежні ў параўнанні з папярэднім месяцам дало 1% прыросту зводнага індэкса спажывецкіх коштаў, перадае «Інтэрфакс».
Паводле інфармацыі Белстата, кошт мінімальнага набору прадуктаў харчавання ў снежні 2011 года ў параўнанні з лістападам 2011 года павялічыўся на 5,9%, снежнем 2010 года - у 2,5 разы.
Акрамя таго, у камітэце паведамілі, што ў снежні 2011 года ў параўнанні са снежнем 2010 года выраслі кошты селядца салёнага ў 3,2 раза, сала - у 3,1 раза, кансерваў рыбных, рыбы марожанай - у 2,9 раза, свініны - у 2,8 раза, ялавічыны (акрамя бескасцёвага мяса), мяса птушкі - у 2,7 раза, алея расліннага, маргарыну, рыбы жывой - у 2,6 раза, яек курыных, гарэлкі, кандытарскіх вырабаў - у 2,5 разы , цукру, гарбаты - у 2,4 раза, піва - у 2,3 раза, кілбасных вырабаў і вэнджаніны, масла, безалкагольных напояў - у 2,2 раза, кансерваў мясных, сыроў - у 2,1 раза, крупы - у 2 разы, макаронных вырабаў, мукі пшанічнай - у 1,8 раза, малака і малочных прадуктаў - у 1,7 раза, хлеба і хлебабулачных вырабаў - у 1,6 раза. Агуркі свежыя падаражэлі ў 3,1 раза, памідоры свежыя - у 2,9 раза, лук зялёны, перац салодкі - у 2,3 раза, лук рэпчаты - на 36,2%, морква - на 23,3%, буракі - на 14%. Найменшае павелічэнне коштаў закранула толькі бульбу - за год яна падаражэла на 0,4%.
Яблыкі падаражэлі ў 3 разы, цытрусавыя - у 2,7 раза, бананы - у 2 разы.
Сярэднія кошты за кг ялавічыны першай катэгорыі ў рэспубліцы ў снежні склалі Br30,386 тыс., свініны (акрамя бескасцёвага мяса) - Br32,988 тыс., тушак курэй - Br24,727 тыс., варанай кілбасы вышэйшага гатунку - Br32,712 тыс ., марожай рыбы - Br25,148 тыс.
Сярэднія кошты за 1 л малака 2,5% -3,5% тлустасці складалі Br3,32 тыс., смятаны - Br14,244 тыс. за кг, сыру цвёрдага - Br44,987 тыс., масла жывёльнага - Br42,975 тыс., хлеба жытна-пшанічнага - Br3, 422 тыс., макаронаў - Br6,459 тыс. Сярэднія кошты бульбы ў краіне ў снежні склаліся ў памеры Br1,568 тыс. за кг, капусты - Br1,067 тыс., морквы - Br2,127 тыс., рэпчатага луку - Br3,162 тыс., яблыкаў - Br9,942 тыс.