Арыштаваны праваабаронца Алег Волчак

• 27.01.2012, 16:24

Па апошняй інфармацыі, Волчака абвінавачваюць у дробным хуліганстве. Суд адбудзецца ў панядзелак.

Недзе ў 15:35 на вуліцы быў затрыманы праваабаронца Алег Волчак.

Знаёмыя Волчака паведамілі ў сацыяльнай сетцы Фэйсбук, што да яго падышоў міліцыянт, каб праверыць дакументы. Праваабаронца паспеў паведаміць, што цяпер ён знаходзіцца ў Маскоўскім РУУС. Тэлефанаванні ён скідае, піша «Наша Ніва».

Ёсць верагоднасць, што зараз у яго дома будзе праведзены ператрус. Алег Волчак - былы афганец, пасля працаваў у пракуратуры.

Пасля сыходу з дзяржаўных органаў займаўся гучнымі справамі. Прычым не толькі палітвязнямі, але звязанымі з арыштаванымі сілавікамі.

Ён актыўна дапамагаў Аляксандру Казуліну, а пасля Мікалая Аўтуховічу, з якім яго аб'ядноўвае афганскі досвед.

Дзейнасць Волчака не раз выклікала зласлівую рэакцыю лукашэнкаўскіх СМІ. У ягонай арганізацыі «Прававая дапамога насельніцтву» рэгістрацыю забралі яшчэ ў 2003 годзе. Цяпер справа аб ліквідацыі «Прававой дапамогі» знаходзіцца на разглядзе ў Камітэце ААН па правах чалавека.