Мясніковіч прапанаваў Кітаю купіць адзін беларускі банк

• 30.10.2012, 16:59

Прэм'ер-міністр прапануе прадаць адзін з беларускіх або яго пэўны пакет акцый кітайскім камерцыйным банкам.

Пра гэта Міхаіл Мясніковіч заявіў на сустрэчы з намеснікам міністра камерцыі Кітая Цзян Яопінам.

«Мы маглі б аказаць садзейнічанне ў рэгістрацыі кітайскага банка ў Беларусі або вырашыць пытанне, каб прадаць адзін з беларускіх або яго пэўны пакет акцый кітайскім камерцыйным банкам», - сказаў Міхаіл Мясніковіч. Гэтыя грошы маглі б актыўна працаваць у Беларусі, асабліва ў Кітайска-беларускім індустрыяльным парку, перадае БелТА.

У цэлым жа, адзначыў кіраўнік урада, Беларусь і Кітай выходзяць на новы ўзровень супрацоўніцтва - інвестыцыйны. У сувязі з гэтым Беларусь зацікаўлена ў тым, каб кітайскія банкі больш актыўна прыходзілі на наш рынак. «Дыверсіфікацыя капіталу гэтак жа важная, як і дыверсіфікацыя гандлю», - дадаў прэм'ер-міністр.