Паплечніка Бакіева чакае суд

• 15.11.2012, 11:54

Былому кіраўніку справамі кыргызскага прэзідэнта Курманбеку Цемірбаеву прад'яўленае абвінавачванне.

Яго абвінавачваюць у злоўжыванні службовым становішчам і ў перавышэнні сваіх паўнамоцтваў. Пракуратура Бішкека накіравала ў суд адпаведную крымінальную справу, паведамляе «Інтэрфакс».

У рамках узбуджанай у дачыненні да былога кіраўніка справамі крымінальнай справы расследаваліся факты, звязаныя з вылучэннем і перадачай зямельнага ўчастка.

«У выніку здзелкі быў нанесены значны ўрон дзяржаўным інтарэсам», - паведамілі ў прэс-службе.

Курманбек Цемірбаеў уваходзіў у блізкае атачэнне былога прэзідэнта і з'яўляецца адным з нешматлікіх чыноўнікаў, на якога адразу пасля змены ўлады ў Кыргызстане ў красавіку 2010 года, не была распачата крымінальная справа.

Між тым яго родны брат, былы намеснік старшыні Службы дзяржаховы, Нурлан Цемірбаеў праходзіць абвінавачваным адразу па некалькіх крымінальных справах, у тым ліку па масавым забойстве ў цэнтры Бішкека падчас сутыкненняў паміж уладай і апазіцыяй 7 красавіка 2010 года, а таксама па забойстве былога кіраўніка адміністрацыі прэзідэнта Медэта Садыркулава.