Рэчавыя рынкі трапяць пад забарону

• 30.11.2012, 10:05

Чыноўнікі хочуць забараніць продаж адзення на адкрытых рынках.

У Магілёве могуць забараніць продаж адзення і абутку на адкрытых рынках. Калі рашэнне будзе прынята, не выключана, што на такі крок пойдуць і ў іншых гарадах краіны, піша «Народная газета».

Упраўленне гандлю і паслуг Магілёўскага аблвыканкама выступіла з ініцыятывай рэфармаваць сістэму рынкаў. Асноўная прапанова - гэта перанос гандлю адзеннем і абуткам ў крытыя гандлёвыя цэнтры. На адкрытых рэчавых рынках будуць прадавацца толькі рэчы, якія былі ва ўжыванні, прадукцыя рамеснікаў.

Зараз аблвыканкам праводзіць збор меркаванняў. Да абмеркавання запрашаюцца ўсе зацікаўленыя асобы. Выніковае рашэнне будзе прынятае не раней другой паловы наступнага года.