Страйк на СТВ: у эфір не выйшлі навіны спорту

• 8.12.2012, 10:52

7 снежня вялікая частка відэаінжынераў ЗАТ «Сталічнае тэлебачанне» не выйшла на працу.

З гэтай прычыны на тэлеканале СТВ пасля інфармацыйных праграм «24 гадзіны» (навіны дня) а 13.30 і 16.30 не выйшлі блокі навін спорту, паведамляе TUT.BY.

Страйк зладзілі менавіта тыя інжынеры відэамантажу, якія працуюць паводле дамовы найму. Прычына - невялікі, на думку працаўнікоў, заробак.

Відэаінжынеры займаюцца мантажом сюжэтаў. Выйсці з сітуацыі здолелі падменай адных работнікаў іншымі.

Кіраўніцтва ЗАТ «Сталічнае тэлебачанне» недаступнае для каментароў.