Бел-чырвона-белы сцяг на чыгуначным вакзале ў Менску (Фота)

• 16.02.2012, 15:54

16 лютага ў знак салідарнасці з Сяргеем Каваленкам маладафронтаўцы вывесілі ў будынку чыгуначнага вакзалу ў Менску бел-чырвона-белы сцяг.

Сяргей Каваленка галадае з 19 снежня, калі ён быў затрыманы. Актывіста абвінавачваюць у парушэнні рэжыму адбывання «хатняй хіміі» - умоўнага пакарання, прысуджанага яму за бел-чырвона-белы сцяг, вывешаны 7 студзеня 2010 на гарадской навагодняй ёлцы ў цэнтры Віцебска. Сябру КХП БНФ пагражае да трох гадоў пазбаўлення волі.

Суд над Каваленкам пачнецца 21 лютага (10:30) у судзе Першамайскага раёна Віцебска.