Лявон Вольскі: Палёт думкі ў дыктатуры заканчваецца ў канцлагеры (Відэа)

• 20.02.2012, 15:37

Легенда беларускага року Лявон Вольскі прыняў удзел у праекце «Бліц-акцэнт» на папулярным літоўскім рэсурсе DELFI.

Тэму размовы дыктавалі абставіны сустрэчы - канцэрт гурту «Крамбамбуля» ў Менску быў адменены без указання прычыны. Музыкі перанеслі яго ў сталіцу Літвы. Канцэрт адбыўся 13 лютага.

Пра тое, чаму ў Беларусі адмяняюць канцэрты, пра «чорныя спісы» і паходы музыкаў на размовы ў адміністрацыю прэзідэнта, а таксама беларускую мову DELFI і пагутарыў з Л.Вольскім. Лявон таксама праспяваў адну з літоўскіх песень, перакладзеных на беларускую мову.