Дэпутат Вярхоўнай Рады Украіны падтрымаў Дашкевіча (Відэа)

• 28.02.2012, 14:35

Народны дэпутат Украіны Аляксандр Доній выступіў з відэазваротам ў падтрымку беларускага палітвязня Зміцера Дашкевіча.

Відэазварот быў зроблены ў межах інфармацыйнай кампаніі ў падтрымку беларускіх палітвязняў, якую ва Украіне праводзіць міжнародная арганізацыя Цэнтр «Супрацоўніцтва без межаў».

Для ўкраінцаў у канцы роліка размяшчаецца адрас, на які Зміцеру Дашкевічу можна напісаць ліст.

Нагадаем, што першым удзельнікам кампаніі стаў былы амбасадар Украіны ў Беларусі Раман Бяссмертны. У сваім звароце ён выказаў словы падтрымкі Андрэю Саннікаву, Зміцеру Дашкевічу, Зміцеру Бандарэнку і іншым беларускім палітвязням.