Уладзіслава Кавалёва павезлі з СІЗА КДБ

• 15.03.2012, 14:57

Пра гэта паведаміў адвакат асуджанага Станіслаў Абразей.

Ён другі дзень беспаспяхова спрабуе сустрэцца са сваім падабаронным. У СІЗА на Валадарскага, дзе выконваюцца смяротныя прысуды, маці Кавалёва і адвакату паведамілі, што Уладзіслава там няма.

Адвакат па-ранейшаму спрабуе даведацца, дзе знаходзіцца Кавалёў, перадае «Еўрарадыё».

Разам з тым Станіслаў Абразей сёння плануе падаць наглядную скаргу ў Вярхоўны суд і будзе дамагацца, каб да разгляду скаргі Кавалёва не расстрэльвалі.

Нагадаем, учора стала вядома, што Аляксандр Лукашэнка адмовіўся памілаваць Кавалёва і Канавалава.