Лукашэнка: Заробак трэба зарабіць

• 12.04.2012, 13:17

«Мы жалезна дамовіліся», - сказаў дыктатар.

Аляксандр Лукашэнка лічыць магчымым павышэнне заработных плат толькі пры павышэнні эканамічнай эфектыўнасці, у тым ліку прадукцыйнасці працы.

«Назіраю ў апошні час, што людзі і працоўныя калектывы ўсё больш падымаюць пытанне аб павышэнні заработнай платы. Мы жалезна дамовіліся: ёсць рост прадукцыйнасці працы, рост продажаў - калі ласка, падымайце заробкі і плаціце», - заявіў А.Лукашэнка, наведваючы ў чацвер з працоўнай паездкай Гомельскую вобласць, перадае «Інтэрфакс-Захад».

«Няма гэтай прадукцыйнасці - няма заробка. Інакш мы паўторым той фінансава-эканамічны крызіс, які прайшоўся па нас», - адзначыў беларускі кіраўнік.

Разам з тым, А.Лукашэнка запатрабаваў разабрацца «з кіраўнікамі прадпрыемстваў, якія не плацяць заработную плату». Прэзідэнт папярэдзіў, што такія кіраўнікі будуць звольненыя «і ніхто з іх у краіне цёплае крэсла больш не знойдзе».